張敬軒昨晚開騷飆冷汗今初步確診 未來五場演唱會場次宣布延期

張敬軒《Revisit 張敬軒演唱會》原本由12月20至1月2日於灣仔會議展覽中心舉行十場演出，而昨晚Boxing Day軒仔都有如常開騷，不過今日宣布確診新冠肺炎。軒仔昨晚應歌迷要求encore三次，跟住最尾一次encore時，軒仔見到歌迷想送禮物，不過軒仔已不似之前一樣行近歌迷收禮，只遠遠問，「咩嚟㗎？咁似避孕丸？哈哈。多謝每一位朋友，我好開心呀今晚！我剛剛先知原來今日係公眾假期補假呀？但係會展班同事都要休息啦，我都聲沙啦~~樂隊呢？走埋？哈哈。」

同場加映：炎明熹認乖女因一事激嬲姑丈怒罵 明年18歲望滿足歌迷開紅館個唱

{{hket:ul-video id="7290"}}{{/hket:ul-video}}

{{hket:inline-image name="SA2_9670.JPG"}}{{/hket:inline-image}}

觀眾叫他清唱，他再笑道，「不如出年又開啦...我唔會過來收禮物啦，其實我係唔掂得你哋禮物架，我冇載口罩，同埋我需要大家今晚返去，無論你咩宗教信仰都好，都為我祈禱，我有做快測，仲係一條線，但係今晚去到下半場，我一路標冷汗，你哋集合力量幫我，叫張敬軒唔好病好唔好呀？」沒料到軒仔一語成籤，軒仔確診新冠肺炎，最終都要無奈暫停今次演出。希望他早日康復，演唱會總監馮貽柏表示，大會將盡力協調一切，以軒仔健康為先，同步協調場地日期之後，會盡快通知歌迷補場安排。

軒仔在Instagram向受影響的歌迷致歉，「對於餘下五塲嘅各位已經購票的嘅觀眾我覺得萬分抱歉，好多謝大家的嘅支持。知道呢次有好多朋友遠道而來，或者特登撲飛，辜負咗大家一番心意真係好對唔住。我會盡快養好身體，另擇日子再續呢一次嘅奇妙旅程。亦都要向所有受影響嘅台前幕後各個單位同各界朋友致歉，多謝大家嘅包容與體諒！最後，要再一次多謝過去六塲前嚟支持嘅朋友！大家喺疫情之中都要身體健康，平平安安！#避咗三年卒之都係中咗 」

英皇娛樂相關公告如下：

因張敬軒先生初步確診新型冠狀病毒感染，現張敬軒先生按相關防疫規定正接受隔離。就原定於香港會議展覽中心展覽廳5BC舉辦之“Revisit張敬軒演唱會”2022年12月27日、12月30日、12月31日、2023年1月1日及2023年1月2日(共5場)場次，主辦方將延期舉辦。

已購票觀眾請保留相關場次門票﹙必須連同票根﹚，密切留意英皇娛樂官方網站、Facebook及Instagram平台，相關的後續延期及退款安排將儘快於兩星期內公佈。

在此，主辦方英皇娛樂集團及張敬軒先生對是次突發事件對已購票觀眾帶來之不便深感抱歉，希望張敬軒先生能儘快康復並能與各位樂迷及觀眾見面。

如有任何查詢，請於辦公時間（星期一至五，早上10時至下午6時，公眾假期除外）致電英皇娛樂演唱會熱線(852) 28354035，亦可電郵至concert3@emperorgroup.com。

此致

{{hket:inline-image name="322065190_738925897667061_6242477537054960206_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組